كان في رجل بسيط غلبان اسمه عم عادل.و كان رجل مبيعرفش يقرأ ويكتب وده لأنه اتربي في بيئة فقيرة. وكانو مبيهتموش بالتعليم وكل همهم أن الواحد يشتغل ويكسب رزقه يوم بيوم.
وكان بيشتغل علشان يربي أولاده اللي فيهم واحد معوق ضرير وواحد كان لسه طفل وبنت وقعد يعافر في الحياه علشان يربي أولاده. وميقلش لأي حد اديني مساعده ويوقف جنب ابنه الضرير وميخلهوش يحتاج حاجه ويربي الصغير ويجوز البنت.
ويكمل جهازها صحيح زمان مكنش في أجهزة لعروسه زي انهارده بس هو كان بيحاول يجيب اي حاجه ابنته من هي وصغيرة .وعاش على هذا الحال اللي بيجيبه مكفي بيته بالعافيه بس كان للأسف في حاجه وحده تعبانه هو ذكي وببفكر . ولكن للأسف مبيعرفش يقرأه .
والحاجة دي كانت تعبانه جدا في يوم من الايام قابله شيخ وعارف بظروفه عرض عليه مال مرضيش ياخد كانت نفسه عزيزه عليه جدا فراح قاله في عمارة جنبي محتاجين حد امين فيها يحرسها .ويجيب طلبات الساكنين ايه رايك تيجي فيها ورزقها حلو وافق وراح واشتغل هناك. وكان امين جدا مع ربنا والناس وبقا يوسع دخله والناس حبته. ومن حسن حظه كان في ساكن في العمارة مدرس في المدرسه .
وفي يوم من الايام مشي من عنده وقاله مالك ياعم عادل دايما حزين. وزعلان كده حد مزعلك قاله لا انتو ناس حلوين جدا وكويسين بس انا زعلان ومكسور كده اني جاهل مبعرفش اقرا حتى لم بجيب طلباتكم ببقى مش عارف اكتبها وباخد ورقه مكتوبه بروح التاجر أو السوبر ماركت واديهالو وببقي محرج قاله بس كده طب عندك أراده تتعلم قاله دلوقتي في السن ده قاله عندك أراده قالو ايوه بس مين يعلمني ده حتى اولادي كبرو.
وكنت محرج اخليهم يعلموني أو احكيلهم على اللي مزعلني علشان مبنش مكسور قدامهم ويحسو بضعفي قالو كل يوم بعد المدرسه الساعه الثالثه كده اكون نمت شويه .وتعالى اعلمك قاله طب والفلوس قاله مش عايز منك حاجه بس شد حيلك فرح جدا عم عادل وبقا يجيب طلبات الناس .ويروح كل يوم للأستاذ أكرم ده فقعد يكتبله ا ب ت ويحفظهم ليه ولقاه استجابه حلوة من عم عادل.
وكل يوم حصه حصه بقا يعرف ينطق حروف شويه بشوية بقا يكتب بخط مش كويس مره على مره اسبوع في التاني حفظ ا ب كله وبقا يكتبه .وياخد واجب ويتملا كلمات قليله يغلط فيها ويرجع يصححها مع مرور شهر على هذا الوضع بقا يكتب كويس بس في بعض الخطأ الخفيفة ويصححها وبعد كده جرب يقرأ ١ ٢ ٣.
ويحفظهم روح قعد يقرأ شويه في القرآن لقا في كلام مش عارف ينطقه أو يعرفه راح للمدرس وعرف منه وبعد مرور ثلاثه شهور كان كويس جدا جدا بس الخط مش كويس حاول كل يوم يكتب يكتب لحد مابقا كويس ومقبول وفي خلال ٦شهور كان بيعرف يقرأ اي حاجه وشكر المدرس ده جدا جدا على جميله ده.
وكان محوش مبلغ كده من المال حب يعطيه للمدرس ده رفض ياخد منه أي فلوس وعم عادل فرح جدا وابتدا يروح ويجيب طلبات ويكتب وحده حتى السكان استغربو منه فحكالهم القصه وبعدها راح اخد شقه في العمارة دي وأستاذن صاحي العماره كان بيحب جدا .
وقالو مكاني إللي كنت ساكن فيه لو كان ينفع افتح فيه سوبر ماركت وافق والسكان فرحو جدا ووافقو. المدرس ده فرح وقالو خد الفلوس دي سلفه مني هات طلبات ولم تبيع ابقى هاتها فرح جدا وكان شايف ايد ربنا ممدوداله كتير وجاب طلبات وبقا يكتب ويحسب ويكبر في السوبر ماركت ده واشتراه خضار وطور من شغله وربنا فتحها عليه من وسع وبقا معاه فلوس كتير من شغله .
وسدد المدرس ده وجوز بنته وكان مخلي أولاده مش ناقصهم حاجه وبعد مدة بقا عنده رأس مال حلو اشتري قطعه أرض صغيره .وجاب ترخيص وفتح محل ملابس وشغل ابنه معاه وبقا في شغله في العماره ويجيب طلبات للسوبر ماركت واخر اليوم يكلم التجار .
ويحسب مع ابنه وربنا كرمه من وسع وكان بعد كده بيساعد الفقراء والايتام وبعد كده فتح فصل صغير لكل اللي لسه متعلمش وجاب مدرس بمرتب شهري يعلم كل اللي نفسه يتعلم فربنا دايما بيكرم اللي حابب وعنده أراده يتعلم ويعرف ويطور من نفسه بالحلال.
{بقلم الشاعر لطفي ضياء لطفي}
عن الكاتب
