كتبت: شهد سعيد
كشفت إناس الدغيدي في لقائنا مع قناة فوشيا على اليوتيوب عن رأيها في الوسط الفني والسوشيال ميديا في الفترة الحالية.
حيث اوضحت في تصريحاتها عن مدى استيائها من رواد منصات السوشيال ميديا والوسط الفني قائلة: “انا لست متفرجة او مشاركة من الأساس في السوشيال ميديا لان الناس فاضية وتعليقاتهم بتكون احيانًا جارحة، وكل المتعصبين بيهاجموني وانا مبردش عليهم وقررت اني ابعد عن السوشيال ميديا بسببهم”.
وعندما سألت عن تصريحاتها المثيرة الجدل قالت: “انا دايمًا كنت صادقة فيها وفيه كثير بيوافقوني نفس أرائي ولكن محدش بيتكلم عنها، وانا جريئة لأني دخلت في مناطق محظورة في المجتمع ناقشت افكار في صالحه ولكن كتير بيشوف الموضوع بنظرة قصيرة دون الدخول في التفاصيل”
وعندما سألت أيضًا عن الوسط الفني الحالي اختتمت لقائها قائلة: “أرى انه تغير للأسوأ، في الماضي كنا بنتعامل جميعًا بحميمية ومش بنفكر في الجوانب المادية، اما دلوقتي كل من في الوسط الفني والفنانين بقوا شغالين علشان الفلوس، وأصبح مفيش حد بيشتغل علشان يعمل اسم”، وأكملت قائلة: “زمان كنا بنصنع اسمائنا بأعمالنا مش زي دلوقتي بقي عادي ان الواحد يتشهر بسبب فضيحة عادي”.
عن الكاتب
